டாக்டர்கள் வராத மாநகராட்சி மருத்துவமனைகள் கொந்தளிப்பு! சின்ன போரூரில் நோயாளிகள் போராட்டம்

அங்கிருந்து, திருவல்லிக்கேணி கஸ்துாரிபா காந்தி அரசு மகப்பேறு மருத்துவமனையில் சேர்க்கப்பட்ட நிலையில், அறுவை சிகிச்சையில் ஆண் குழந்தை இறந்து பிறந்தது.

கண்ணகி நகர் மருத்துவமனையில் உரிய சிகிச்சை அளித்திருந்தால், குழந்தை உயிருடன் இருந்திருக்கும் எனக்கூறி, அம்மருத்துவமனையை முற்றுகையிட்டு, உறவினர்கள் போராட்டத்தில் ஈடுபட்டனர்.

வளசரவாக்கம் மண்டலம், 151வது வார்டு, சின்ன போரூரில், நகர்ப்புற சமுதாய நல மருத்துவமனை உள்ளது. இங்கு, மகப்பேறு, நம்பிக்கை மையம், தீவிர சிகிச்சை உட்பட பல்வேறு பிரிவுகள் உள்ளன. பிரசவம் மற்றும் பரிசோதனைக்காக தினமும், 50 பேர் உட்பட, பல்வேறு சிகிச்சைகளுக்காக, 300க்கும் மேற்பட்டோர் வருகின்றனர்.

இந்த மருத்துவமனையில், நேற்று காலை 7:00 மணியில் இருந்து, 11:00 மணி வரையிலும், நோயாளிகள் காத்திருந்த நிலையில், டாக்டர்கள் யாரும் பணிக்கு வரவில்லை. அவர்களுடன் சினிமா சிரிப்பு நடிகர் கஞ்சா கருப்பு சிகிச்சை பெற வந்தார். டாக்டர்கள் இல்லாத நிலையில் பொறுமையிழந்து நோயாளிகள் காத்திருந்தனர்.