ஒரே நாளில் தாம்பரம் மாநகராட்சியில் 2.38 லட்சம் குழந்தைகளுக்கு குடற்புழு நீக்க மாத்திரைகள் வழங்கப்பட்டது

தொடர்ந்து தாம்பரம் மாநகராட்சியின் சார்பில் குடற்புழு நீக்க தினத்தை முன்னிட்டு நேற்று பள்ளிகள், கல்லூரிகள் மற்றும் ஆரம்ப சுகாதார நிலையங்கள் உள்பட பல்வேறு இடங்களில் முகாம்கள் நடத்தப்பட்டு 1 வயது முதல் 19 வயது வரையுள்ள 2 லட்சத்து 37 ஆயிரத்து 929 குழந்தைகளுக்கு அல்பெண்டசோல் மாத்திரைகள் வழங்கப்பட்டது. இதில் 1 முதல் 2 வயது நிரம்பிய குழந்தைகளுக்கு பாதி அளவு (200எம்ஜி) மாத்திரையும், 2 முதல் 19 வயது வரை ஒரு அல்பெண்டேசோல் மாத்திரையும் (400எம்ஜி) வழங்கப்பட்டது. மேலும் விடுபட்டவர்களுக்கு வரும் 17.2.2025 அன்று குடற்புழு நீக்க மருந்து வழங்கப்பட உள்ளது. இந்நிகழ்ச்சியில் நகர்நல அலுவலர் பொற்செல்வன், பள்ளி தலைமை ஆசிரியர், ஆசிரியர்கள் உள்பட பலர் கலந்து கொண்டனர்.