பகிங்ஹாம் கால்வாயில் மூழ்கிய 3 சகோதரர்கள்

பாலத்தின் கீழ் பகுதி ஆழமாக உள்ளதால், ஆபத்தை உணராமல், தினமும் அங்கு மீன் பிடித்து வருகின்றனர். நேற்று மாலை, 5:30 மணிக்கு மரக்காணம் சந்தைதோப்பை சேர்ந்த கணேசன் மகன்கள் லோகேஷ், 26, இரட்டையர்களான விக்ரம், 24, சூர்யா, 24, ஆகிய மூவரும், பாலத்தின் கீழ் பகுதிக்கு சென்று மீன் பிடித்தனர்.

அப்போது, லோகேஷ் கால்வாயில் தவறி விழுந்து, நீரில் அடித்துச் செல்லப்பட்டார். லோகேஷை காப்பாற்ற முயன்ற விக்ரம், சூர்யாவும் தண்ணீரில் அடித்துச் செல்லப்பட்டனர். மாயமான மூவரையும் மரக்காணம் தீயணைப்பு வீரர்கள் மற்றும் போலீசார் தேடி வருகின்றனர்.