வயலினில் கன்யாகுமரி அட்டகாசம் மனம் குளிர்ந்தது; சபா அதிர்ந்தது

முதலாவதாக, மூலாதார மூர்த்தியை போற்றி, பாபநாசம் சிவன் இயற்றிய திலங் ராகத்தில் ‘ஸ்ரீ கணேசா சரணம்’ என்ற பாடலை இசைத்தார்.

இங்கு, சரணத்தில் ஆதி தேவன் என்ற இடத்தில் நின்று இசைத்தது அபாரம். மேலும் இதன் முதல் வரிகளுக்கே கற்பனை ஸ்வரம் இசைத்து, இனிதே நிறைவு செய்தார். இங்கு ‘டிரெமெலோ’ முறையில் இசைத்தது, அனைவரையும் அசைய வைத்தார்.

பின், ஆண்டாள் அருளிய மார்கழி திங்கள் எனும் திருப்பாவையை வாசித்தார். சாரமதி ராகத்தை இசைத்து, அனைவரின் மனதையும் கொள்ளை கொண்டார்.

தொடர்ந்து, தியாகராஜர் இயற்றிய ஆதி தாளத்தில் அமைந்த ‘மோக்ஷமு கலதா’ எனும் கீர்த்தனையை இசைத்தார். கற்பனை ஸ்வரம் வாசித்த பகுதியில், மிருதங்கமும், வயலினும், நயத்திற்கேற்ப இரண்டற கலந்தது சுவாரசியப்படுத்தியது.