சிம்லா ஒப்பந்தம் முடக்கப்பட்டதால் யாருக்கு சாதகம்; யாருக்கு பாதகம்?

ஜம்மு – காஷ்மீரின் பஹல்காம் பயங்கரவாத தாக்குதலுக்கு பின் பாகிஸ்தானுக்கு எதிரான பல்வேறு கடுமையான நடவடிக்கைகளை மத்திய அரசு அறிவித்துள்ளது.

பதிலுக்கு பாகிஸ்தானும் அதே போன்ற சில தடை உத்தரவுகளை பிறப்பித்துள்ளது. அதில், சிம்லா ஒப்பந்தத்தை ரத்து செய்வோம் என்பதும் ஒன்றாகும்.

கடந்த, 1971ல் நடந்த இந்தியா – பாக்., போரில், 90,000 பாக்., வீரர்கள் நம் ராணுவத்திடம் சரண் அடைந்தனர். அந்த போரில் இந்தியா வெற்றி பெற்றதை அடுத்து, கிழக்கு பாகிஸ்தான் தனி நாடாக பிரிந்து வங்கதேசம் உருவானது.

இந்த போர் முடிந்து சில மாதங்களுக்கு பின், 1972, ஜூலை 2ல் சிம்லா ஒப்பந்தம் கையெழுத்தானது. அப்போதைய இந்திய பிரதமர் இந்திரா மற்றும் பாக்., பிரதமர் சுல்பிகர் அலி புட்டோ இடையே, ஹிமாச்சல பிரதேசத்தின் சிம்லாவில் இந்த ஒப்பந்தம் கையெழுத்தானது.

அதன்படி, இந்தியா – பாக்., எல்லையில் அசல் கட்டுப்பாட்டு கோட்டை அங்கீகரிப்பதே இந்த ஒப்பந்தத்தின் நோக்கம்.