கிருஷ்ண ரதயாத்திரை விமரிசை

உலக நன்மைக்காகவும், அமைதி வேண்டியும் நடத்தப்பட்ட இந்த ரத யாத்திரை, பெரம்பூர் பேருந்து நிலையம் அருகே நேற்று மாலை 3:30 மணிக்கு துவங்கியது. பானு சுவாமி மகாராஜ் தலைமை வகித்தார்.

திரளான பக்தர்கள் பங்கேற்று வீதி முழுதும் கோலமிட்டும், பஜனை பாடல்கள் பாடியும், தேரை வடம் பிடித்து இழுத்துச் சென்றனர். ரத யாத்திரை, மாலை 6:30 மணியளவில், பெரியார் நகரில் உள்ள திருவள்ளுவர் கல்யாண மண்டபத்தில் நிறைவடைந்தது.

தொடர்ந்து, மண்டபத்தில் கீர்த்தனை, உபன்யாசம், ‘துருவ லோகம்’ என்ற தலைப்பிலான நாடகம் போன்றவை நடத்தப்பட்டன. இறுதியில் பக்தர்களுக்கு பிரசாதமும் வழங்கப்பட்டது.