‘பார்க்கிங்’ வசதி இருந்தால் மட்டுமே புதிய கார் பதிவு கட்டுப்பாடு ‘கும்டா’ வின் புதிய கொள்கையில் அரசுக்கு பரிந்துரை

 பொது போக்குவரத்தை மேம்படுத்தவும், சாலைகளில் போக்குவரத்து நெரிசலை குறைத்து, தனி நபர் வாகனங்களின் பயன்பாட்டை குறைக்கவும், நீண்டகால நடவடிக்கை தேவை.

இதற்காக, தனி நபர்கள் வாகன பதிவு செய்யும்போது, குறைந்தபட்சம் ஒரு வாகன நிறுத்துமிடம் இருப்பதற்கான ஆதாரத்தை அளிக்க வேண்டும்

 குடியிருப்பு பகுதிகளில் தெருக்களில் வாகனங்களை நிறுத்துவதற்கான எந்த ஒழுங்குமுறையும் இல்லாததால், விதிமீறல்கள் அதிகரித்துள்ளன. இதனால், குறுகிய குடியிருப்பு தெருக்கள், நீண்டகால வாகன நிறுத்தத்தால் பாதிக்கப்படுகின்றன.

குடியிருப்பு வாகன நிறுத்த அனுமதியின்போது, வாகன நிறுத்துமிடங்களின் எண்ணிக்கை, தற்போதைய தேவையின் அடிப்படையில் மட்டும் பார்க்காமல், அவசர காலத்தில், வாகன புழக்கத்துக்கான சாலையின் கொள்ளளவு அடிப்படையில் தீர்மானிக்கப்படும்

 வாகன நிறுத்துமிடங்களை வாங்கும், விற்கும் பொருளாக பயன்படுத்தம் வகையில், நடைமுறைகள் கொண்டு வரப்படும். இதனால், வாகன நிறுத்துமிடத்தை வாங்கி வைத்துள்ள ஒருவர் அதை குத்தகைக்கு விடலாம்