சர்வதேச மகளிர் தின மாரத்தான் இ. சி. ஆரில் போக்குவரத்து மாற்றம்

தாம்பரம், சர்வதேச மகளிர் தினத்தை கொண்டாடும் வகையில், கிழக்கு கடற்கரை சாலையில், எம்.ஜி.எம்., முதல் முட்டுக்காடு படகு இல்லம் வரை, இன்று மாரத்தான் போட்டி நடத்தப்படுகிறது. ஆரோக்கியம் மற்றும் பாலின சமத்துவத்தை மேம்படுத்தும் நோக்கத்துடன், இந்த நிகழ்வில், 5,000 பெண்கள் பங்கேற்பர்கள் என, எதிர்பார்க்கப்படுகிறது.

நிகழ்வின்போது இடையூறுகளை தவிர்ப்பதற்கும், கிழக்கு கடற்கரை சாலை வழித்தடத்தில், இன்று காலை 6:00 மணி முதல் 9:00 மணி வரை போக்குவரத்து மாற்றம் செய்யப்படுகிறது. இது வாகன இயக்கத்தை ஒழுங்குப்படுத்தவும், பங்கேற்பாளர்கள் பாதுகாப்பான சூழலை உருவாக்கவும் உதவும்.