2,000 பேருக்கு இருக்கைகள் வழங்கி முதல்வர் பிறந்த நாளில் சிறப்பிப்பு

சென்னை, தமிழக முதல்வர் ஸ்டாலின் பிறந்த நாளை முன்னிட்டு, வேளச்சேரியில் நேற்று முன்தினம் இரவு, வாழ்த்தரங்கம் நடந்தது.

இதில், அமைச்சர்கள் நேரு, சுப்பிரமணியன், தமிழக சிறுபான்மை நலப்பிரிவு வாரிய தலைவரும், முன்னாள் எம்.பி.,யுமான பீட்டர் அல்போன்ஸ், மத்திய சென்னை எம்.பி., தயாநிதி, தென்சென்னை எம்.பி., தமிழச்சி ஆகியோர், முதல்வரை வாழ்த்தி பேசினர்.

இதில், தி.மு.க., தொண்டர்கள், பொதுமக்கள் ஏராளமானோர் பங்கேற்றனர். இக்கூட்டத்தில், 2,000 பிளாஸ்டிக் இருக்கைகள் போடப்பட்டன. கூட்டம் முடிந்தபின், தி.மு.க., தொண்டர்கள், பொதுமக்கள் அமர்ந்திருந்த இருக்கையை, அவரவர் வீடுகளுக்கு எடுத்து சென்றனர்.