அண்ணா சாலையில் ஓட்டல்கள் , திடீர் கடைகள் ; இரவு நேரத்திலும் நெரிசல், விபத்து அபாயம்

இந்த நெரிசல் காரணமாக, கிளாம்பாக்கம், தாம்பரம் உள்ளிட்ட துாரமான பகுதிகளுக்கு செல்லும் வாகன ஓட்டிகள் கடுமையான சிரமத்திற்கு ஆளாகி வருகின்றனர்.

இதனால், போக்குவரத்து நெரிசலை தவிர்க்கும் பொருட்டு போக்குவரத்து மாற்றம் உள்ளிட்ட பல்வேறு நடவடிக்கைகள் போலீசாரால் மேற்கொள்ளப்பட்டு வருகின்றன.

அதேநேரம், அண்ணாசாலையின் போக்குவரத்து நெரிசலுக்கு மற்றொரு காரணமாக ஹோட்டல்கள் அமைந்துள்ளன. இது பெரும் தலைவலியாக மாறியுள்ளது. உணவு பிரியர்களை கவரும் வகையில், புதிது புதிதாக சைவ, அசைவ ஹோட்டல்கள் திறக்கப்பட்டு வருகின்றன. இதில், ஒருசில ஹோட்டல்களை தவிர, பெரும்பாலான ஹோட்டல்களுக்கு வாகன நிறுத்தம் இல்லை. குறிப்பாக, எல்.ஐ.சி., முதல் தர்கா வரையிலான, 150 மீட்டருக்குள், 15 ஹோட்டல்கள் உள்ளன.

பொதுவாக, 60 – 80 இருக்கைகள் கொண்ட உயர்தர ஹோட்டல்களில், 16 கார்கள், 20 இருசக்கர வாகனங்கள் நிறுத்துவதற்கென இடம் இருக்க வேண்டும். அதேபோல ‘பட்ஜெட்’ ஹோட்டல்களில் எட்டு கார்கள், 40 இருசக்கர வாகனங்கள் நிறுத்துவதற்கான இடம் இருக்க வேண்டும் என, அரசாணையில் குறிப்பிடப்பட்டுள்ளது.