எம். ஜி. ஆர்., நகர் நோய் தொற்று அபாயத்தில் கழிவுநீரில் தத்தளிக்கும் மக்கள்

வேறு வழியின்றி, கட்டை பாலம் வழியாக மக்கள் வெளியேறி வருகின்றனர். தவிர, பழைய எம்.ஜி.ஆர்., நகர், மூன்றாவது தெருவில், கழிவுநீர் குளம்போல் தேங்கி, அதில் கொசுக்கள் உற்பத்தியாகின்றன.

இந்த கழிவுநீரில் தத்தளித்தபடியாக தான் மக்கள் வெளியேறி, கடைவீதிகள், மருத்துவமனை, பள்ளி, கல்லுாரிகளுக்கு சென்று வர வேண்டியுள்ளது.

மாலை நேரங்களில், கழிவுநீரில் முகாமிட்டிருக்கும் கொசு வீடுகளுக்குள் படையெடுத்து, குடியிருப்பு வாசிகளை பதம் பார்க்கிறது. இதனால், பலருக்கு காய்ச்சல் போன்ற பாதிப்புகள் உள்ளன.

இதுகுறித்து, அதிகாரிகளிடம் பலமுறை புகார் தெரிவித்தும், மழைநீர் வடிகால் பணிகளை முடிக்கவில்லை; தெருவில் தேங்கிய கழிவுநீரை வெளியேற்றவும் இல்லை.

இதே நிலை நீடித்தால், இப்பகுதி மக்கள் கிருமித்தொற்று பாதிப்புக்கு தொடர்ந்து ஆளாக நேரிடும். எனவே, மழைநீர் வடிகால் பணிகளை விரைந்து முடிக்க வேண்டும் என, அப்பகுதி மக்கள் கோரிக்கை விடுத்துள்ளனர்.