சென்னை மலர் கண்காட்சி முதல்நாள் வசூல் ரூ.3 லட்சம்

திண்டுக்கல், நீலகிரி, கிருஷ்ணகிரி, தர்மபுரி உள்ளிட்ட பல்வேறு இடங்களில் இருந்து எடுத்துவரப்பட்ட பூச்செடிகளை வைத்து, பல்வேறு பொம்மை உருவங்கள், வாகன வடிவங்கள் உருவாக்கப்பட்டு உள்ளன.

நாள்தோறும் காலை 10:00 மணி முதல் மாலை 6:00 மணி வரை பார்வையாளர் அனுமதிக்கப்பட்டு வருகின்றனர். பெரியவர்களுக்கு 200 ரூபாய், சிறியவர்களுக்கு 100 ரூபாய் கட்டணம் வசூல் செய்யப்படுகிறது.

முதல்நாளில் 1,600 பேர் மலர் கண்காட்சியை பார்வையிட்டனர். இதன் வாயிலாக, தோட்டக்கலைத்துறைக்கு, 3 லட்சம் ரூபாய் வருவாய் கிடைத்து உள்ளது. வரும் நாட்களில் பார்வையாளர் எண்ணிக்கை அதிகரிக்க வாய்ப்புள்ளது.