துண்டிக்கப்பட்ட மணிக்கட்டை இணைத்து ஜி.எச்., சாதனை

வலது கை மணிக்கட்டில் எலும்பு முறிவும், உச்சந்தலை, முதுகெலும்பு பகுதிகளிலும், ஆழமான காயங்கள் இருந்தன.

இதையடுத்து, காலை 6:00 மணிக்கு, டாக்டர்கள் சுகுமார், ரஷீதா, சுஜா தலைமையில், மூத்த டாக்டர்கள் அறுவை சிகிச்சையில் ஈடுபட்டனர். எட்டு மணி நேர அறுவை சிகிச்சைக்குப் பின், வெட்டப்பட்ட கை மணிக்கட்டை வெற்றிகரமாக இணைத்தனர்.

தொடர்ந்து, மற்ற வெட்டுக்காயங்களுக்கு தையல் போடப்பட்டு, தீவிர சிகிச்சைப் பிரிவுக்கு மாற்றி, கண்காணித்து வருகின்றனர்

இதுகுறித்து, ராஜிவ் காந்தி அரசு மருத்துவமனை டீன் தேரணிராஜன் கூறுகையில், ”இந்த மருத்துவமனையில், பல சிக்கலான அறுவை சிகிச்சைகள் செய்யப்பட்டிருந்தாலும், எட்டு மணி நேரம் போராடி, மணிக்கட்டுகளை இணைத்தது, ஒரு சாதனை முயற்சி. இதற்கு, தனியார் மருத்துவமனையில், 10 லட்சம் ரூபாய் வரை செலவாகி இருக்கும்,” என்றார்.