குறைதீர் முகாம் 14ல் ரேஷன்
சென்னை: தமிழக உணவு வழங்கல் துறை சார்பில், சென்னையில் மயிலாப்பூர், தி.நகர், கொளத்துார் உள்ளிட்ட, 19 மண்டல உதவி ஆணையர் அலுவலகங்களில் வரும், 14ம் தேதி ரேஷன் கார்டு குறைதீர் முகாம் நடக்கிறது.
காலை, 10:00 மணி முதல் மதியம், 1:00 மணி வரை நடக்கும் முகாமில், ரேஷன் கார்டில் உறுப்பினர் பெயர் சேர்த்தல், நீக்கல், முகவரி மாற்றம், மொபைல் போன் எண் மாற்றம் செய்தல் உள்ளிட்ட பணிகள் செய்து தரப்பட உள்ளன.
மேலும், ரேஷன் கடை மற்றும் தனியார் அங்காடிகளில் விற்கப்படும் பொருட்கள் அல்லது சேவைகளின் குறைபாடு குறித்து புகார் அளிக்கலாம்.
