ஆசிரியர்கள் அதிகாரிகளிடம் பகீர் குற்றச்சாட்டு : பள்ளி மாணவர்கள் வாயிலாக மாணவியருக்கும்… போதை பழக்கம்

சிறுவயதிலேயே நிக்கோடின் பயன்படுத்தும் பெண்களுக்கு, கரு உருவாவதில் பாதிப்பு ஏற்படும். சிலருக்கு கரு உருவானாலும், மூளையை பாதிப்பு ஏற்படவும், கரு கலையவும் வாய்ப்பு உள்ளது.

எனவே, புகையிலை பயன்படுத்தும், மாணவ – மாணவியரை அடையாளம் கண்டால், அவர்கள் குறித்த விபரங்களை எங்களுக்கு தெரியப்படுத்துங்கள்.

மாணவர்கள் போதை பழக்கத்தில் இருந்து விடுப்பட, மனநல ஆலோசகர் உள்ளிட்ட முயற்சிகள் எடுப்போம். அந்தந்த பள்ளிகளில், பெற்றோர் கூட்டத்திற்கு ஏற்பாடு செய்தால், அவர்களுக்கும் பயிலரங்கம் நடத்தப்படும்.

இவ்வாறு அவர் கூறினார்.

புகையிலையால்

பாதிப்பு என்னென்ன?புகையிலை பயன்பாட்டால், புற்றுநோய்கள் மற்றும் நெடுநாள் நோய்கள் ஏற்படுகின்றன. குறிப்பாக, வாய், தொண்டை, குரல் வளைப்பகுதிகளில் வாய் புற்றுநோய் மற்றும் நுரையீரல் புற்றுநோய் ஏற்படுகிறது. மேலும், மூளை செயலிழத்தல், இதய ரத்தக்குழாய் நோய், நிமோனியா, காசநோய், நுரையீரல் அடைப்பு, ஆஸ்துமா, சுவாச பாதை நோய்கள், மாரடைப்பு, ஆண்மையிழப்பு, கால் விரல்களில் அழுகிய நிலை ஏற்படுகிறது. பெண்களுக்கு மலட்டுத்தன்மை, கருச்சிதைவுகள், எடை குறைந்த குழந்தைகள் மற்றும் குழந்தை இறந்து பிறத்தல், கர்ப்பப்பை வாய் புற்றுநோய் உள்ளிட்டவை ஏற்படுகின்றன.