சென்னையில் அலுவலக இடங்கள் 2026ல் 10 கோடி சதுர அடியாகும்

‘சென்னையில் அலுவலக இடங்கள், 2026ல், 10 கோடி சதுர அடியாக அதிகரிக்கும்’ என, சி.பி.ஆர்.இ., என்ற வணிக ரியல் எஸ்டேட் மற்றும் முதலீடுகள் நிறுவனம் தெரிவித்துள்ளது.

அலுவலக இடங்கள் வளர்ச்சி, வர்த்தகம் தொடர்பான ஆய்வுகளை நடத்தி வரும் சி.பி.ஆர்.இ., நிறுவனம், தமிழகத்தில் திறன் மையங்கள் மற்றும் அலுவலக இடங்கள் குறித்த அறிக்கையை, சென்னையில் நேற்று வெளியிட்டது.

அறிக்கையில் கூறியிருப்பதாவது:

சென்னையில் அலுவலக இடங்களின் இருப்பு மிக வேகமாக அதிகரித்து வருகிறது. நடப்பு ஆண்டு நிலவரப்படி, 7.6 கோடி சதுர அடியாக உள்ள அலுவலக இடங்கள் இருப்பு, 2026ல், 10 கோடி சதுர அடியாக உயர வாய்ப்புள்ளது.